Ítalíumeistarar Inter unnu Venezia á útivelli í leik sem var að ljúka í ítölsku Serie A.
Hakan Calhanoglu kom Inter yfir á 34. mínútu. Það reyndist eina mark fyrri hálfleiks.
Það var svo ekki meira skorað fyrr en Inter fékk vítaspyrnu í uppbótartíma. Lautaro Martinez skoraði úr spyrnunni. Lokatölur 0-2.
Arnór Sigurðsson sat allan leikinn á varamannabekk Venezia. Bjarki Steinn Bjarkason er einnig á mála hjá félaginu en hann var ekki í hóp í dag. Þá er Óttar Magnús Karlsson á láni hjá Siena frá Venezia.
Inter er í þriðja sæti deildarinnar með 31 stig. Venezia er í fimmtánda sæti með 15 stig.
