Stjórn knattspyrnudeildar Vals og Kjartan Sturluson hafa komist að samkomulagi um að Kjartan verði í þjálfarateymi meistaraflokks Vals í knattpyrnu karla til næstu tveggja ára sem markmannsþjálfari.
Síðustu 2 ár hefur Kjartan gegnt sama hlutverki hjá kvennaliði félagsins.
„Kjartan lék yfir 100 leiki með Val á árunum 2005 til 2010 og varð m.a Íslands- og bikarmeistari með félaginu. Hann á að baki 7 landsleiki fyrir Ísland. Valur fagnar því að halda þessum reynslubolta innan raða félagsins næstu árin,“ segir á vef Vals.
Eiríkur Þorvarðarson hafði verið markmannsþjálfari Vals síðustu tvö ár en lét af störfum á dögunum.
