Harka er að færast í viðræður Manchester United og Borussia Dortmund er varðar Jadon Sancho. United hefur lagt fram tvö tilboð í sumar sem þýska félagið hefur hafnað.
Fyrir helgi bárust fréttir af því að United hefði boðið 75 milljónir punda í Sancho en því var hafnað.
Nú greina þýskir og enskir miðlar frá því að Dortmund hafi látið forráðamenn United að þeir skuli borga 77 milljónir punda auk bónusa, annars muni þýska félagið ganga frá borði.
Þýska félagið hefur gefið United til 23 júlí til að sjóða saman í þann pakka, annars verður enski kantmaðurinn ekki seldur.
Sancho er 21 árs gamall en hann hefur ekki enn komið við sögu hjá enska landsliðinu á Evrópumótinu í sumar.
