Jóhannes Kristinn Bjarnason leikmaður KR er að ganga í raðir Norrköping í Svíþjóð. Guðmundur Benediktsson greinir frá þessu á Twitter.
Faðir hans, Bjarni Guðjónsson sem var aðstoðarþjálfari KR lætur af störfum og tekur við U19 ára liði Norrköping.
Breaking late News!!
Bjarni Guðjóns hættur hjá KR, er að taka við U19 hjá Norrköping.
Jóhannes Bjarnason er einmitt að ganga til lið við Norrköping frá KR.#PepsíMaxDeildin— Gummi Ben (@GummiBen) February 15, 2021
Jóhannes er fæddur árið 2005 og fékk tækifæri með KR á síðustu leiktíð þegar hann spilaði tvo leiki. Hann var til reynslu hjá Norrköping í vetur.
Bjarni hefur verið aðstoðarþjálfari KR frá árinu 2017 með Rúnari Kristinssyni en áður var hann þjálfari liðsins.
Norrköping keypti fyrr í vetur Finn Tómas Pálmason frá KR en fyrir eru Ísak Bergmann Jóhanneson og Oliver Stefánsson hjá félaginu.
