Breiðablik tók á móti ÍA á Kópavogsvelli í úrslitum Fotbolti.net mótsins í kvöld en leiknum lauk rétt í þessu.
Ekki voru heimamenn lengi að komast yfir en Gísli Eyjólfsson kom Blikum yfir eftir sex mínútna leik, Thomas Mikkelsen bætti svo við öðru marki Breiðablik á 9. mínútu og staðan orðin 2-0.
Brynjólfur Andersen Willumsson gerði sér svo lítið fyrir og skoraði þrennu en þau mörk komu á 13, 37, 56 mínútu og staðan 5-0 eftir klukkutíma leik.
Ingi Þór Sigurðsson klóraði svo í bakkann fyrir Skagamenn en fleiri urðu ekki mörkin og lokatölur 5-1 fyrir Breiðablik.
Breiðablik 5 – 1 ÍA
