Sergio Aguero framherji Manchester City veit ekki af hverju hann ákvað að kaupa sér Lamborghini Aventador, Aguero borgaði 63 milljónir fyrir bílinn. Á sex árum hefur Aguero aðeins keyrt bílinn rúma þúsund kílómetra.

Hann þolir ekki bílinn sem hefur staðið ónotaður í innkeyrslu hans í tæp tvö ár, Aguero segir að bíllinn sé byrjaður að safna ryki og að köngulóarvefir væru fastir gestir á bílnum.

„Ég veit ekki af hverju í andskotanum ég keypti mér Lamborghini,“ segir Aguero í viðtali við Santo Sabado, sjónvarpsþátt í heimalandinu hans.

Argentínumaðurinn er 32 ára gamall og þessar 63 milljónir sem hann borgaði fyrir bílinn er lítill aur fyrir hann, Aguero þénar 44 milljónir á viku.

„Ég hef keyrt hann um 1200 kílómetra á sex árum, ég hef bara varla notað þennan bíl.“

„Ég hef hugsað í tvö ár, af hverju í andskotanum var ég að kaupa þennan bíl. Eina sem þessi bíll gerir er í dag er að standa úti í rigningunni og að safna köngulóarvef.“

Aguero á fjöldann allan af bílum en hann bílafloti hans er metinn á 140 og er Range Rover af dýrustu gerð, sá bíll sem hann notar mest.