Leeds United fór með 0-1 sigur af hólmi er þeir mættu Sheffield United í þriðju umferð ensku úrvalsdeildarinnar í dag. Leikið var á Bramall Lane í Sheffield.
Besta færi Sheffield kom á 29. mínútu þegar John Lundstram var einn á móti markmanni og átti skot að marki. Illan Meslier markvörður Leeds varði hins vegar meistaralega frá honum.
Það var Patrick Bamford sem skoraði eina mark leiksins á 88. mínútu og tryggði Leeds United sigur. Þetta var annað mark Bamford á tímabilinu.
Leeds er eftir leikinn í 6. sæti deildarinnar með 6.stig. Sheffield er í 20. sæti með 0 stig og eiga enn eftir að skora mark í deildinni.
Sheffield United 0 – 1 Leeds United
0-1 Patrick Bamford (’88)
