Paul Merson, goðsögn Arsenal, vill sjá Mesut Özil kveðja Arsenal og það strax en hann fær lítið að spila í dag.

Özil er mjög hæfileikaríkur leikmaður en gerir lítið án bolta og er varnarvinnan ekki í miklu uppáhaldi.

,,Hann getur ekki spilað í þessu Arsenal liði og hér er af hverju: Hann mun ekki breyta eigin leik núna á þrítugsaldri og Arsenal breytir ekki sínum leik fyrir hann,“ sagði Merson.

,,Hann eltir ekki til baka og eltir ekki leikmenn, hann þarf að vera í liði sem er 70 prósent með boltann í hverri viku. Þú þarft leikmenn í kringum hann til að leyfa honum að spila.“

,,Ef hann er ekki með boltann þá er hann einn versti knattspyrnumaður heims. Nefnið mér leikmann sem er verri án bolta? Ég hef aldrei séð eins áhugalausan leikmann án bolta.“