Stijn Francis, umboðsmaður í fótboltanum segir að leikmenn sem séu látnir taka á sig launalækkun vegna kórónuveirunnar, eigi að geta rift samningi sínum. Hann segir eðlilegt að leikmenn fái það val, ef félagið stendur ekki við gerða samninga.
Samningar knattspyrnumanna eru ólíkir á almennum markaði, samningur er iðulega til nokkura ára og ekki er hægt að rifta honum nema báðir aðilar séu á sama máli.
,,Fólk á venjulegum vinnumarkaði, getur yfirgefið vinnustað sinn gegn smá greiðslu eða eftir einhvern tíma. Vinnustaður getur líka rekið þig og þá færðu bara uppsagnarfrest,“ sagði Francis.
,,Ef félag kaupir leikmenn, þá er það að taka áhættu en leikmaðurinn getur ekkert farið fyrr en samningurinn er á enda.“
,,Leikmenn vita líka að þeir fá alltaf launin sína á meðan samningurinn er í gangi, félög sem lækka laun leikmanna eiga í hættu á að missa leikmenn.“
,,Félög sem lækka laun eiga að taka því að leikmaður geti þá rift samningi og farið frítt.“
Miklar deilur eru á Englandi en leikmenn í ensku úrvalsdeildinni hafna því að lækka laun sín. Hér á Íslandi hafa mörg félög lækkað laun leikmanna og spurning hvort þeir geti því rift samningi sínum, hafi þeir áhuga á slíku.