Aleksander Ceferin, forseti UEFA, viðurkennir að það sé möguleiki á að tímabilum í Evrópu verði einfaldlega aflýst vegna kórónaveirunnar.

Það er óvíst hvort deildirnar geti byrjað aftur fyrir lok júní og þá gæti þurft að skoða stöðuna á annan hátt.

,,Ef okkur tekst ekki að byrja þetta upp á nýtt þá er tímabilið líklega glatað,“ sagði Ceferin.

,,Það eru plön A, B og C. Þrír möguleikar eru að byrja aftur um miðjam maí, í júní eða lok júní.“

,,Það er líka möguleiki að byrja aftur á næstu leiktíð og byrja næstu leiktíð ári seinna. Við þurfum að leita að besta möguleikanum fyrir þessar deildir og félög.“