Það vakti nokkra athygli í gær þegar greint var frá því að Kolbeinn Sigþórsson hefði samið um starfslok við AIK í Svíþjóð.
Þar segir að AIK og Kolbeinn hafi komist að samkomulagi um að rifta samningi íslenska framherjans sem átti að gilda út næstu leiktíð.
Ein umferð er eftir í sænsku úrvalsdeildinni en Kolbeinn lék tæpan hálftíma í tapi AIK gegn Kalmar í sænsku úrvalsdeildinni um helgina. Kolbeinn mun því kveðja félagið eftir síðustu umferðina en hann er að ljúka sínu öðru tímabili hjá félaginu. Kolbeinn kom á frjálsri sölu frá Nantes og hefur ekki fundið sitt besta form í Svíþjóð.
Stuðningsmenn AIK hafa rætt málið sín á milli en í 26 þúsund manna hóp á Facebook hafa fariðf ram heitar umræður um frammistöðu Kolbeins.
Daniel Moali Ahari
Leitt að heyra, hann náði aldrei flugi með AIK. Hann er magnaður leikmaður en þetta er rétt ákvörðun miðað við frammistöðu hans. Hann var hátt launaður og við þurfum að lækka kostnað.
Daniel Larsson
Hann var magnaður leikmaður fyrir nokkrum árum.
Conny Carlsson
Þessi meiðsli gerðu honum erfitt fyrir, hann náði aldrei takti. Þrjú mörk og sjö stoðsendingar í 40 leikjum.
Tomas Sunkvist
Mikið meiddur, kom meiddur og það hélt áfram. Finn til með honum en það er gott að losa hann.
Jerry Aaltonen
Langskot sem virkaði ekki, heilsuhraustur Kolbeinn hefði verið eitthvað annað góður.
Robert Larsson
Kom frítt og fékk borgað miðað við frammistöðu, takk fyrir þitt framlag til AIK og gangi þér vel í framtíðinni.
Mattias Lundström
Sorglegt þegar svona gengur ekki upp, gerði miklar væntingar til Íslendingsins.