Það voru mikil læti í ensku úrvalsdeildinni um helgina og sérstaklega í fyrsta leiknum þar sem barist var um Bítlaborgina í Guttagarði. Everton og Liverpool skildu jöfn 2-2.

Virgil van Dijk varnarmaður Liverpool meiddist alvarlega eftir tæklingu frá Jordan Pickford og undir lok leiks hélt Jordan Henerson að hann hefði tryggt Liverpool stigin þrjú.

VAR tók hins vegar markið af og stuðningsmenn Liverpool voru vægast sagt brjálaðir. Mark Clattenburg sem lengi var besti dómari Englands segir að VAR hafi gert rétt með því að taka markið af, það séu hins vegar reglurnar sem verði að breyta.

„Ekki kenna VAR um, kennið reglunum um. Sadio Mane var dæmdur rangstæður og Jordan Henderson fór að tala um sjónarhornið á myndavélinni eftir leik. Hann sagði að dómarar væru að begyja línurnar til að finna rangstöðu. Ég vil ekki skemma góða samsæriskenningu en það er ekki rétt,“ sagði Clattenburg.

„Þú sérð sjónarhorn í sjónvarpinu og telur að einhver sé ekki fyrir innan línur, tæknin sem VAR notar teiknar samsíða línur eftir vellinum. Það er ekkert rangt við tæknina.“

„Tæknin dregur línuna að þeim punkti líkamans sem er fremst, sökum þess var hönd Mane borinn saman við löppina hjá leikmanni Liverpool. Þetta eru nýju reglurnar, Mane var því rangstæður en þetta er samt ekki rétt í mínum huga.“

„Leikurinn fallegi snýst um mörk og það er ekki rétta að láta millimetra skipta máli. Þetta eru reglurnar sem þarf að skoða, þær eru rangar. Þetta hefur ekkert með VAR að gera.“