Jack Grealish miðjumaður Aston Villa hefur skrifað undir nýjan fimm ára samning við Aston Villa. Hann er því ekki á förum eins og búist var við.
Grealish er fyrirliði Aston Villa en hann var orðaður við Manchester United og Tottenham.
Miðjumaðurinn er 25 ára gamall en hann lék sinn fyrsta A-landsleik með Englandi á dögunum. Hann ætlar að taka slaginn með uppeldisfélagi sínu.
Grealish gerir fimm ára samning við Villa og fær væna launahækkun, ensk blöð telja að Grealish fari vel yfir 100 þúsund pund á viku.
Grealish komst í fréttirnar í vor þegar hann braut reglur um samkomubann og keyrði ölvaður.
