Stjórstjarnan sem um ræðir er sóknarmaðurinn Marcus Rashford sem leikur með Manchester United í efstu deild Englands. Sindri Birgisson, faðir Jökuls, deildi myndbandi af syni sínum að leika listir sínar með boltann á Twitter-síðu sína í gær. „Þetta er Jökull, 9 ára sonur minn frá Íslandi. Hann elskar að æfa sig allan daginn og var til í áskorunina,“ sagði Sindri með tístinu en áskorunin sem um ræðir er á vegum Rashford og Nike.
Tækni Jökuls með boltann vakti greinilega athygli Rashford þar sem hann svaraði tístinu. „Já Jökull,“ sagði Rashford og setti mynd af höndum að klappa með. Í samtali við DV segir Sindri að Jökull sé himinlifandi með þetta. „Hann er nátturulega bara gríðarlega spenntur,“ segir Sindri. „Hann sá þetta og vildi gera þetta þannig hann fór beint að æfa sig.“ Myndbandið hefur fengið afar mikla athygli en þegar þessi frétt er skrifuð hafa um 46 þúsund manns séð það.
Myndbandið af Jökli má sjá hér fyrir neðan:
This is my son Jökull, age 9, from Iceland. He likes to practic all day and was up for the challenge. He is a huge fan of you #MR10 @MarcusRashford pic.twitter.com/xBfAuDEGJV
— Sindri Birgis (@SindriBirgis) August 1, 2020
