Lið Hull varð sér algjörlega til skammar í kvöld er liðið spilaði við Wigan á útivelli í næst efstu deild.
Hull er í harðri fallbaráttu og var fyrir leikinn einu stgi frá öruggu sæti eftir 43 umferðir af 46.
Wigan er ekki að berjast um mikið en liðið er um miðja deild eða í 14. sætinu þegar lítið er eftir.
Staðan í hálfleik í kvöld var 7-0 fyrir Wigan í einum versta hálfleik sem knattspyrnulið hefur boðið upp á.
Hull gat nákvæmlega ekkert í fyrri hálfleiknum en þegar 68 mínútur eru búnar er staðan nú 8-0.
Það er met hjá Wigan en liðið hefur aldrei áður skorað átta mörk í einum leik.
