Ólafur Jóhannesson, fyrrum landsliðsþjálfari gengur um með hækjur þessa dagana eftir að hafa slasast á mjöðm.
Stjarnan birtir mynd af Ólafi með hækjurnar en hann gerðist þjálfari meistaraflokks karla síðasta haust ásamt Rúnari Páli Sigmundssyni.
Heimir Guðjónsson þjálfari Vals ræddi málið við Fótbolta.net um helgina. „Ég kíkti í kaffi til Óla Jó í vikunni og við spjölluðum í næstum tvo tíma. Svo þegar leikirnir koma þá er vinskapurinn lagður til hliðar,“ sagði Heimir í þættinum á X977.
Óhætt er að segja að Ólafur hafi verið ansi óheppinn þegar hann datt á mjöðmina.
„Eina sem ég veit um Óla er að hann var að hoppa yfir skilti, missti húfuna og ætlaði að grípa hana en datt illa og slasaðist á mjöðm. Þess vegna fór ég heim til hans í kaffi,“ sagði Heimir.
