Marko Grujic, leikmaður Liverpoool, segir að hann viti ekki hvort framtíðin liggi á Anfield eða ekki.

Grujic hefur undanfarin fjögur ár verið samningsbundinn Liverpool og var fyrsti leikmaðurinn sem Jurgen Klopp fékk til félagsins.

Grujic hefur spilað með Hertha Berlin á tímabilinu á láni og var fyrir það hjá Red Star Belgrade í Serbíu.

,,Áskorunin er gríðarlega stór. Þessir strákar hafa staðið sig svo vel á tímabilinu sem gerir mig ánægðan,“ sagði Grujic.

,,Það eru margir góðir miðjumenn hjá Liverpool og það er í raun erfitt að fá tækifæri.“

Grujic segir enn fremur að hann hafi ekki rætt við Jurgen Klopp um framtíð hans hjá félaginu.

,,Ég vona að samtalið eigi sér stað á næstu mánuðum. Ég er viss um að við getum fengið okkur sæti og rætt hvað er best fyrir mig og félagið.“

,,Ég er ekkert ungstirni lengur. Ég er 24 ára gamall og er á þeim stað á ferlinum þar sem ég þarf taka mikilvæg skref á ferlinum.“

,,Ég þarf að hugsa mig um og vera sniðugur varðandi hvað gerist næst. Er það besta fyrir mig að vera áfram hjá Liverpool og bíða eftir tækifæri eða fara í annað lið á láni eða semja við annað félag?“