Forráðamenn Tottenham eru ekki sáttir með Jose Mourinho, eftir að hann sást með leikmönnum félagsins á æfingu í gær. Mourinho hitti nokkra leikmenn félagsins í almenningsgarði og er það bannað, útgöngubann er á Englandi.

Mourinho hitti Davinson Sanchez, Ryan Sessegnon, Tanguy Ndombele í garðinum og lét þá æfa. Möguleiki er á því að Mourinho fái sekt fyrir þessa hegðun sína

,,Við höfum fundið fleiri fávita,“ sagði Piers Morgan, einn frægasti sjónvarpsmaður Bretlands á ITV í morgun. Honum er ekki skemmt.

Mourinho viðurkennir mistök sín en sér þó ekki ástæðu til að biðjast afsökunar. ,,Ég tek því að vinnubrögð mín voru ekki samræmi við reglur stjórnvalda, við eigum bara að vera með fólki sem við búum með,“ sagði Mourinho.

,,Það er mikilvægt að við fylgjum eim reglum til að styðja við hetjurnar í heilbrigðiskerfinu og björgum mannslífum.“