Wilfried Zaha, leikmaður Crystal Palace, er orðinn þreyttur á að fá endalaust skítkast frá stuðningsmönnum í hverri viku.

Zaha fær oft að heyra það frá stuðningsmönnum annarra liða en hann er besti leikmaður Palace.

Hann fær einnig ljót skilaboð utan vallar og á samskiptamiðlum sem er auðvitað óásættanlegt.

,,Ég hef fengið svo mörg skilaboð þar sem fólk er að óska þess að ég muni deyja,“ sagði Zaha.

,,Það hefur gert mig þunglyndan en þú verður að vera andlega sterkur. Ég fæ mörghundruð ljót skilaboð í hverri viku.“

,,Af einhverjum ástæðum er ég vondi kallinn sem öll félög hata. Við mættum Colchester og þar var baulað á mig. Ég hafði aldrei spilað gegn þeim.“