Manchester United skoðar það að selja David De Gea í sumar til að fjármagna önnur kaup. Þetta segir Goal en félagið þarf að selja í sumar til að geta eytt þeim upphæðum sem Ole Gunnar Solskjær vill nota.
Búist er við að Paul Pogba fari og þá gæti De Gea farið sömu leið, markvörðurinn er með samning til 2023.
De Gea hefði áhuga á því að fara heim til Spánar en talið er líklegra að Juventus eða PSG rífi upp veskið til að fá hann.
United hefur tapað á því að vera ekki í Meistaradeildinni og því hefur eyðslan undanfarið ár tekið vel í budduna. Pogba, De Gea, Jesse Lingard, Andreas Pereira, Marcos Rojo og Alexis Sanchez gætu allir farið í sumar.
United er sagt skoða það hvort Dean Henderson sem er í láni hjá Sheffield United sé klár í slaginn og þá er félagið með Sergio Romero.
