Shkodran Mustafi, leikmaður Arsenal, er óvænt tilbúinn að leika áfram með liðinu næstu árin.

Mustafi er reglulega gagnrýndur af stuðningsmönnum Arsenal og er ekki vinsæll á Emirates.

Eftir komu Mikel Arteta þá er Mustafi hins vegar bjartsýnn og hefur áhuga á að spila áfram í London.

,,Af hverju ekki að vera hérna áfram? Ég hef alltaf tekið einn dag fyrir í einu. Við áttum leik á fimmtudaginn og næsti mikilvægi leikur er um helgina,“ sagði Mustafi.

,,Þegar ég tek ákvörðun eða hvenær ég og félagið tökum ákvörðun um að halda áfram að vinna saman þá verð ég ánægður, ef ekki þá horfum við fram veginn.“