Rúnar Kristinsson, þjálfari KR var í skemmtilegu spjalli við FantasyGandalf fyrir helgi. Þar fór hann yfir ýmsa hluti.
Eitt af því sem Rúnar ræddi í þættinum var tilboð sem hann fékk í hendurnar frá Liverpool árið 1989. Rúnar var þá að slá í gegn með KR.
Rúnar æfði með Liverpool og fékk að lokum tilboð frá Kenny Dalglish, þá þjálfara liðsins en hafnaði því.
„Ég sé ekkert eftir þvi að hafa sagt, nei. Það er svo langt síðan. Fótboltinn í Englandi þá var allt annar en hann er í dag og hentaði mér ekki. Ég stæði sennilega ekki í lappirnar í dag hefði ég farið þangað,“ sagði Rúnar léttur.
Rúnar lék á Íslandi til ársins 2004 en þá hélt hann til Norðurlandanna áður en hann lék um langt skeið í Belgíu. „Ég átti að fara fyrr því ég var búinn að vera í tvö til þrjú ár. Ég var búinn að ná toppnum á Íslandi sumarið 1990 þegar við töpum bikarúrslitaleiknum í vítakeppni á móti Val. Þegar þú ert kominn á þann stall þá er erfitt að bæta sig mikið,“
