Eins og flestir vita þá er markvörðurinn Alisson Becker meiddur og verður frá keppni næstu vikurnar.
Alisson meiddist í leik Liverpool og Norwich á föstudag en það var fyrsti leikur tímabilsins í ensku úrvalsdeildinni.
Það er ljóst að Brassinn mun missa af næstu leikjum og mun Adrian verja mark Evrópumeistarana.
Stuðningsmenn Liverpool sendu Alisson fjölmörg skilaboð á Twitter en sumir sendu þau á vitlausan aðgang.
Leikkonan Alison Becker hefur fengið ófá skilaboð frá enskum stuðningsmönnum eftir meiðslin.
,,Það er í lagi með kálfana á mér. #ynwa,“ skrifaði Alison á Twitter-síðu sína og róaði þannig óttaslegna stuðningsmenn Liverpool.
MY CALVES ARE FINE YOU GUYS. #ynwa
— alison becker (@thealisonbecker) 13 August 2019
