Saga Gary Martin, framherja Vals heldur áfram. Fótbolti.net sagði fyrst frá, samkvæmt heimildum 433.is mun þó Gary mæta til æfinga á morgun.
Samkvæmt heimildum 433.is vildi Ólafur Jóhannesson, þjálfari Vals ekki trufla undirbúnings liðsins, fyrir leikinn gegn Fylki í kvöld. Mikið hefur verið rætt um málið, Gary mun mæta á æfingu Vals á morgun. Framherjinn verður ekki í leikmannahópi liðsins í kvöld.
Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í fyrradag. Gary gekk í raðir Vals í janúar og gerði þriggja ára samning. Eftir þrjár umferðir í Pepsi Max-deildinni vill Valur nú losna við framherjann.
Tíðindin koma talsvert á óvart því ekki eru nema rúmir fjórir mánuðir síðan að Valur setti allt sitt traust á breska framherjann. ,,Ég er búinn að tilkynna honum að hann megi finna sér nýtt félag, Gary er fínn drengur og búinn að standa sig vel. Hann hentar ekki okkar leikstíl,“ sagði Ólafur í samtali við 433.is í vikunni.
Félagaskiptaglugginn lokaði hér á landi í gær, það er því ljóst að Gary verður í herbúðum Vals fram í júlí, hið minnsta.
Valur bauð Stjörnunni að fá Gary í skiptum fyrir Guðmund Stein Hafsteinsson, því hafnaði Stjarnan. Þá vildi KA fá Gary Martin en hann vildi ekki fara þangað. Valur mætir Fylki í Pepsi Max-deild karla, klukkan 19:15 í kvöld.
Pepsi Max deildin á 433 er í boði 
