Háværar sögusagnir hafa verið í gangi frá því í morgun að Valur hafi áhuga á að fá Steven Lennon, framherja FH.

Meira:
Gary Martin í áfalli: Leikmenn Vals trúa ekki hvað er í gangi – ,,Valur hefur sett mig í mjög erfiða stöðu“
Þetta hefur þjóðin að segja um hið óvænta mál: ,,Eins og að útskýra fyrir konunni að þú hafir lent í framhjáhaldi“

Áhugi Vals gæti verið til staðar en FH útilokar það að Lennon fari, hann sé að jafna sig af meiðslum og komi sterkur til baka innan tíðar. Þau óvæntu tíðindi bárust í morgun að Valur vill losna við Gary Martin, fraherjinn gekk í raðir Vals í janúar. Hann gerði þá þriggja ára samning.

,,Lennon er ekki að fara frá FH, þetta eru bara kjaftasögur,“ sagði Ólafur Kristjánsson, þjálfari FH við 433.is í dag. Hann sagðist hafa heyrt þessar sögur um áhuga Vals, framherjinn færi ekki neitt.

Lennon er að glíma við vöðvameiðsli, hann hefur farið í þrjár sprautur en ekki náð bata. Lennon vonast til þess að verða leikfær innan tíðar.

Fótbolti.net segir svo frá því að Valur reynir að fá Daníel Hafsteinsson frá KA, í skiptum fyrir Gary.

Gary Martin hefur verið orðaður við Stjörnuna, KA og ÍA frá því að 433.is greindi frá þessum tíðindum í morgun.

Pepsi Max deildin á 433 er í boði