Everton ætlar sér að hefja viðræður við Carlo Ancelotti, sem var í gær rekinn úr starfi sem stjóri Napoli. Deilur hans við forseta félagsins, urðu honum að falli.
Forsetinn hefur verið í stríði við leikmenn og Ancelotti, síðustu vikur. Það á endanum er hans banabiti, í starfi. Uppsögn Ancelotti kom eftir góðan sigur á Genk í Meistaradeildinni í gær.
Everton er án stjóra og Sky Sports segir að félagið muni í dag reyna að sannfæra Ancelotti um að taka við liðinu.
Arsenal skoðar einnig stöðuna en félagið ætlar að ræða við fjölda manns, áður en ákvörðun liggur fyrir.
Ancelotti hefur átt glæstan stjóraferil og það væri stór yfirlýsing fyrir Everton, að landa honum.
