Andre Gomes, leikmaður Everton fer undir hnífinn í dag eftir að hafa brotnað á ökkla í gær. Atvikið var óhugnalegt.
Son Heung-min, leikmaður Tottenham braut þá á Gomes sem féll áfram og á Serge Aurier, Við höggið brotnaði ökkli hans illa. Son fékk að líta rauða spjaldið, sem var umdeildur dómur. Fyrst um sinn ætlaði Martin Atkinson að gefa honum gult spjald, þegar hann sá ökkla Gomes, breytti hann í rautt.
Ljóst má vera að Gomes verði frá í fleiri, fleiri mánuði vegna meiðslanna. Son grét á vellinum eftir að hann sá ökkla Gomes.
Gomes var færður á sjúkrahús í gær og fer undir hnífinn í dag, eftir aðgerðina veit Everton meira um hversu löng fjarvera hans verður.
Gylfi Þór Sigurðsson kom inn sem varamaður í leiknum og sendir Gomes kveðju í dag. ,,Við erum öll með þér, vonandi sé ég þig á vellinum eins fljótt og hægt er,“ skrifar Gylfi í kveðju á Instagram.
View this post on Instagram
We are all with you! Hope to see you back on the pitch as soon as possible ?
