Samkvæmt Telegraph telur Manchester United sig leiða kapphlaupið um Jadon Sancho, kantmann Dortmund.

Talið er að Sancho fari frá Dortmund og það gæti mögulega gerst í janúar, ef marka má fréttir. Það er þó talið líklegra að hann fari næsta sumar.

Sancho er ósáttur í Dortmund, hann var sektaður á dögunum fyrir að mæta of seint og var svo skipt af velli í fyrri hálfleik gegn Bayern á dögunum. Hann taldi sig hafa verið teiknaðan upp sem fórnarlamb í slæmum leik liðsins.

Sancho var áður hjá Manchester City en fór til Dortmund til að spila, þar hefur hann slegið í gegn. United hefur mikinn áhuga fá þennan enska landsliðsmann.

Telegraph segir að Liverpool hafi áhuga en þar segir að félagið ætli ekki að fara í eitthvað uppboð við önnur lið, talið er að Dortmund vilji meira en 100 milljónir punda. Liverpool vill aðeins leikmenn sem vilja ólmir koma til félagsins.

Jurgen Klopp, stjóri Liverpool hefur haft samband við fólk í Dortmund og fyglist með gangi mála hjá Sancho. PSG og Real Madrid skoða einnig stöðuna hjá Sancho.