Jósef Kristinn Jósefsson hefur skrifað undir nýjan samning við Stjörnuna en hann var að verða samningslaus.
Stjarnan og Jósef Kristinn hafa gengið frá nýjum 2 ára samningi. ,,Þetta eru mikil gleðitíðindi fyrir okkur en hann hefur verið einn af mikilvægari leikmönnum liðsins undanfarin ár,“ skrifar Stjarnan á Facebook.
Breytingar hafa verið hjá Stjörnunni í vetur en Ólafur Jóhannesson, stýrir nú liðinu ásamt Rúnari Páli Sigmundssyni.
Jósef ólst upp í Grindavík en gekk í raðir Stjörnunnar fyrir 2017 tímabilið, hann mun því hið minnsta leika fimm ár í Garðabænum.
Jósef er öflugur vinstri bakvörður sem lék 22 leiki fyrir yngri landslið Íslands en hann er þrítugur.
