Aurelio De Laurentiis, forseti Napoli á sér þann draum að fá Zlatan Ibrahimovic í janúar frá LA Galaxy.

Samningur Zlatan við Galaxy er að renna út en þessi 38 ára gamli sóknarmaður er enn í fullu fjöri.

Zlatan átti góða ár á Ítalíu með Juventus, Inter og AC Milan og gæti nú farið til Napoli.

,,Ibrahimovic er vinur minn, ég hitti hann í Los Angeles á dögunum, ekki sem knattspyrnumann heldur sem vin. Við vorum á sama hóteli,“ sagði Aurelio De Laurentiis .

,,Ég bauð honum og fjölskyldu hans í kvöldverð, við áttum magnaða stund. Það er mín ósk að hann klæðist treyju Napoli.“

,,Þetta er meira en bara hugmynd, þetta er undir Zlatan komið. Við höfum rætt þetta í nokkra mánuði.„