Stjarnan og Atli Sveinn Þórarinsson, yfirþjálfari knattspyrnudeildar Stjörnunnar, komist að samkomulagi um starfslok þar sem honum bauðst að taka við Fylki í Pepsi Max-deild karla.
Fylkir hefur leitað að þjálfara síðustu vikur og ræddu meðal annars við Ólaf Jóhannesson.
Nú er ljóst að hann mun taka við Fylki en Helgi Sigurðsson fékk ekki lengri samning og tók við ÍBV.
Yfirlýsing Stjörnunnar:
Kæru foreldrar/forráðamann,
Ykkur til upplýsinga þá hafa Stjarnan og Atli Sveinn Þórarinsson, yfirþjálfari knattspyrnudeildar Stjörnunnar, komist að samkomulagi um starfslok þar sem honum bauðst í vikunni þjálfarastarf mfl. kk hjá liði í Pepsi deild. Augljóst að störf þjálfara hjá Stjörnunni vekja athygli víða og óskum Atla til hamingju!
Atli Sveinn tók til starfa hjá okkur 1. mars 2018 og hefur á þeim tíma unnið frábært starf utan sem innan vallar. Það er án vafa mjög mikil eftirsjá af Atla Sveini og fyrir hönd knattspyrnudeildar Stjörnunnar vil ég þakka Atla Sveini fyrir einstaklega ánægjulegt og farsælt samstarf og óska honum alls hins besta í framtíðinni.
Við munum hefja strax leit að nýjum yfirþjálfara og vonumst til að klára þau mál fljótt og vel. ✨
Stjörnukveðja,
Halldór Ragnar Emilsson
formaður barna- og unglingaráðs
