Ole Gunnar Solskjær, stjóri Manchester United þarf ekki að óttast það að missa starf sitt.
Solskjær er í veseni með United, hann fór í breytingar í sumar sem hafa ekki virkað.
Stjórn United mun halda áfram að styðja Ole Gunnar Solskjær, samkvæmt Sky Sports.
Sky hefur heimildir innan úr herbúðum United. Sagt er að hann fái fjármuni og tíma til að laga stöðuna sem er núna.
Solskjær hreinsaði talsvert út í sumar og mun halda því áfram, félagið er meðvitað um að þetta tekur tíma samkvæmt Sky. Ole Gunnar fær því tíma í starfi til að klára þá vinnu.
