Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu hefur nú opnað á nýjan leik og eru fjölmörg félög að horfa í kringum sig.
Hér má sjá pakka dagsins.
——–
Barcelona ætlar ekki að selja Denis Suarez til Arsenal í þessum mánuði. (Mirror)
FC Bayern er að bjóða Callum Hudson-Odoi treyju númer 10 hjá félaginu og vonast til þess að það hjálpi við að fá hann frá Chelsea. (Sun)
Wolves hefur náð samkomulagi við Chelsea um að fá Tammy Abraham á láni út þessa leiktíð. (Star)
Manchester United hefur áhuga á Kostas Manolas varnarmanni Roma sem kostar 32 milljónir punda. (Sun)
United er einnig að berjast við Real Madrid um Eder Militao bakvörð Porto. (Sun)
Arsenal ætlar ekki að bjóða hærra í Cengiz Under hjá Roma en Roma hafnaði 35 milljónum punda. (Star)
Aston Villa hefur áhuga á að kaupa Neal Maupay framherja Brentford. (Sun)
