Manchester United tapaði öðrum leik sínum í ensku úrvalsdeildinni á tímabilinu í gær er liðið mætti West Ham. United byrjaði tímabilið á 4-0 sigri á Chelsea en tókst ekki að vinna næstu þrjá leiki eftir þann sigur.

Liðið vann svo Leicester 1-0 í síðustu umferð en tapaði svo 2-0 gegn West Ham í London í dag. Þeir Andriy Yarmolenko og Aaron Cresswell sáu um að skora mörk heimamanna í flottum sigri.

Pressa er byrjuð að myndast á Ole Gunnar Solskjær í starfi, liðinu hefur ekki vegnað vel frá því að hann fékk ráðningu til framtíðar. Þannig hefur Phil Jones, varnarmaður félagsins verið gómaður að grínast með brottrekstur hans.

Jones var utan hóps í London í gær en sat í stúkunni. Daliy Mail hefur fengið staðfest frá tveimur varalesurum að hann segi ,,Rekinn í fyrramálið.“

Fyrir framan Jones var Ed Woodward, stjórnarformaður félagsins sem bað hann um að þegja. ,,Hættu, við erum í beinni útsendingu,“ svaraði Woodward.

Ljóst er að þetta bætir ekki stöðu Jones sem hefur spilað einn leik á þessu tímabili. Atvikið er hér að neðan.

Phil Jones: “sacked in the morning”

Ed Woodward: “we’re on camera stop” pic.twitter.com/a2dFZLQM1t

— ❻ (@LFCJxmes) September 22, 2019