Jurgen Klopp, stjóri Liverpool segir að umboðsmaður sinn hafi verið að grínast þegar hann ræddi samningamál hans við Liverpool.
Umboðsmaður Klopp sagði að slæmt veður á Englandi gæti orðið til þess stjórinn myndi ekki framlengja við Liverpool. Liverpool vill framlengja við Klopp en samningur hans er í dag til 2022.
,,Hann var að grínast, núna verð ég að taka þetta alvarlega,“ sagði Klopp.
Klopp segir að húmorinn sé þýskur. ,,Þetta er þýskur húmor, það fattaði það enginn. Veðrið pirrar mig ekki neitt.“
,,Veðrið hefur aldrei verið ástæða fyrir því hvar ég vel að starfa, það er ekki ástæða sem fær mig til að fara.“
