Mathias Pogba, bróðir Paul Pogba er ansi duglegur að tjá sig um bróðir sinn og framtíð hans. Nú er ljóst að Paul klárar hið minnsta næstu mánuði með Manchester United.

Hann vill burt frá félaginu en hvorki Juventus né Real Madrid lögðu fram tilboð í hann í sumar.

,,Paul veit að hann fer ekki frá Manchester United, hann er því einbeittur á þetta tímabil,“ sagði Mathias.

,,Þetta er ekki einfallt þessa stundina, það er gríðarleg ábyrgð á honum í liðinu.“

,,Það hafa margir öflugir leikmenn farið, það er bara einn frábær leikmaður eftir með honum. Það er De Gea, sem er markvörður. Það er því mikil vinna í hverjum leik fyrir Paul.“