Hörður Magnússon, íþróttafréttamaður, sendi ansi stóra pillu á lið Breiðabliks eftir leik við Víking Reykjavík í gær.
Breiðablik er úr leik í Mjólkurbikar karla en liðið spilaði við Víkinga í undanúrslitum á Víkingsvelli.
Frammistaða Blika í gær var fyrir neðan væntingar og verðskulduðu Víkingar að lokum sigurinn.
Hörður tjáði sig á Twitter eftir leikinn þar sem hann talaði um endalausa vonbrigði Blikaliðsins.
Markvörðurinn og goðsögnin Gunnleifur Vignir Gunnleifsson svaraði þessari færslu Harðar og skrifaði einfaldlega: ‘Endalaus??’
Breiðablik er í öðru sæti Pepsi Max-deildar karla og er í raun eina liðið sem getur barist við KR á toppnum.
Hörður svaraði þessum ummælum Gulla Gull og skrifaði: ‘Nú er bara að spýta í lófana og gera atlögu.’
Þessi samskipti má sjá hér fyrir neðan.
Endalaus vonbrigði Blika halda áfram. Til hamingju Víkingar. Spennandi úrslitaleikur framundan. #Mjólkurbikar
— Höddi Magg (@HoddiMagnusson) 15 August 2019
Endalaus??
— gulligull1 (@GGunnleifsson) 15 August 2019
Nú er bara að spýta í lófana og gera atlögu.
— Höddi Magg (@HoddiMagnusson) 15 August 2019