Aaron Wan-Bissaka, bakvörður Crystal Palace er efstur á óskalista Manchester United í sumar. Félögin ræða nú um verðmiðann.
United bauð 35 milljónir punda í fyrstu tilraun, nú er talað um að félögin nái saman í kringum 55 milljónir punda.
Wan-Bissaka yrði þar með dýrasti bakvörður í sögu fótboltans, hann yrði dýrari en Benjamin Mendy.
Bakvörðurinn knái er nú með U21 árs landsliði Englands, hann vill sjálfur fara til United.
Ole Gunnar Solskjær vill ganga frá helstu kaupum á næstu 2-3 vikum, áður en félagið heldur í æfingaferð.