Hannes Þór Halldórsson mun standa vaktina í marki Vals gegn KR í kvöld. Þetta er fullyrt á Fótbolta.net.

Það vakti talsverða athygli þegar Hannes var ekki með Val gegn ÍBV um helgina, ástæðan voru sögð meiðsli sem tóku sig upp i landsleik Íslands og Tyrklands.

Hannes fékk því helgarfrí og gat mætt í brúðkaup Gylfa Þórs Sigurðssonar og Alexöndru Helgu Ívarsdóttir á Ítalíu.

Hannes hefur jafnað sig af meiðslunum og mun verja markið í kvöld, Anton Ari Einarsson fær aftur sæti á bekknum. Hann stóð vaktina í sigri á ÍBV á laugardag.

Harkaleg gagnrýni á Hannes: Fór í brúðkaup Gylfa og Alexöndru – „Þú ert einn sá launahæsti“

Hannes gekk í raðir Vals í vor og er mikilvægur hlekkur í liði Íslandsmeistarana. Liðið vann góðan sigur á ÍBV í Pepsi Max-deild karla um helgina.

,,Hannes Þór spilaði báða landsleikina, hann er sagður meiddur. Hann fær leyfi frá Óla til að fara til Ítalíu í þetta brúðkaup. Liðið þitt er í neðsta sæti deildarinnar. Þú ert einn launahæsti, ef ekki launahæsti leikmaður deildarinnar, ert á fjögurra ára samningi. Félagarnir þínir eru í þessari baráttu, þú ferð í þetta brúðkaup. Hefðir þú farið?,“ sagði Hörður Magnússon, skipstjóri Pepsi Max-markanna.

Reynir Leósson var einn af sérfræðingum þáttarins um helgina. Reynir segir að hann hefði aldrei farið. Valur vann sigur á ÍBV, án Hannesar sem var að skemmta sér á Ítalíu.

,,Ég hefði ekki farið, þessi staða hefur ekki komið upp hjá mér. Ég hefði ekki farið, það er mikil ábyrgð á herðum Hannesar. Þá er það ábyrgð hjá honum að vera með þeim í blíðu og stríðu. Hann hefur verið einn þeirra besti leikmaður. Þetta kom mér á óvart.“