Pedro Hipolito, þjálfari ÍBV, sá sína menn tapa stórt í dag en liðið tapaði 5-1 gegn Val á Hlíðarenda.

Pedro var ánægður með suma hluti í leiknum í kvöld en kvartar einnig yfir álagi sem sínir leikmenn eru undir.

,,Við byrjuðum ekki það vel í fyrri hálfleik, það er eðlilegt. Valur er stórt lið í erfiðri stöðu,“ sagði Pedro.

,,Þeir vildu nota þennan leik til að breyta sjálfstraustinu. Þeir byrja mjög vel og skora en við enduðum fyrri hálfleik betur.“

,,Í seinni hálfleik byrjum við vel og skorum, það er gott augnablik fyrir okkur en seinna markið gaf Val sjálfstraust. Okkar lið brást ekki vel við því.“

,,Sóknarmennirnir, varnarmennir og miðjumennirnir gerðu það sem þeir gátu.“

,,Þetta er erfið vika fyrir okkur því það er stórt mót í Eyjum og allir leikmennirnir okkar vinna í því móti. Þeir vinna mikið og berjast.“

,,Við þurfum skipulag og við misstum það. Við hlaupum meira en það þýðir ekki að þú hlaupir vel. Gæði Vals rústuðu okkur.“