Lið Waterford í Írlandi fékk hræðilegar fréttir í gær eftir ansi gott tímabil í írsku úrvalsdeildinni.
Waterford hafnaði í fjórða sæti deildarinnar á síðustu leiktíð og tryggði sér þar með sæti í Evrópudeildinni.
Írska deildin er hafin á ný og eru 11 leikir búnir og situr Waterford í sjötta sæti eftir 11 leiki.
UEFA tilkynnti Waterford það í gær að félagið mætti hins vegar ekki taka þátt í Evrópudeildinni á næsta tímabili.
Waterford hefur nýlega skipt um eigendur og þarf félagið að sanna það að það sé búið að borga upp allar skuldir félagsins.
Það hefur hins vegar ekki tekist en Waterford breytti nafni sínu úr Waterford United í Waterford FC árið 2017 vegna skulda.
Sætið mun því að öllum líkindum fara til St. Patrick’s Athletic sem endaði sæti neðar.
