Fasteignasalinn Gary Kay hefur verið dæmdur í tímabundið bann af enska knattspyrnufélaginu Burnley.
Kay fylgdist með leik Burnley og Cardiff í ensku úrvalsdeildinni um helgina en Burnley hafði betur, 2-0.
Kay er eins og áður sagði fasteignasali og var hans fyrirtæki styrktaraðili Burnley. Því samstarfi er nú lokið.
Þessi 36 ára gamli Englendingur varð sér til skammar eftir leikinn er hann tjáði sig á samskiptamiðlinum Twitter.
Kay gerði grín að dauða framherjans Emiliano Sala sem lést í flugslysi fyrr á þessu ári.
Sala átti að ganga í raðir Cardiff frá Nantes en eftir að hafa stigið um borð í flugvélina komst hann aldrei á leiðarenda.
Kay gerði grín að því atviki áður en hann baðst afsökunar í dag. Það var hins vegar of seint.
,,Við búum öll í kafbátnum hans Sala…Welsku kuntur. Þið elskið að gera grín að öðrum, hvernig líður drukkna sjómanninum ykkar?“ skrifaði Kay á meðal annars.
Kay setti svo einnig inn færslu þar sem hann líkti eiginkonum stuðningsmanna Cardiff við kindur.
Ógeðsleg hegðun en Kay er með yfir 1000 fylgjendur á Twitter-síðu sinni.