Jose Mourinho, fyrrum stjóri Manchester United, segir að hann hafi ekki fengið sama stuðning hjá félaginu og þeir Pep Guardiola og Jurgen Klopp fá.
Mourinho segir að Manchester City og Liverpool hafi staðið við bakið á sínum stjórum á meðan hann þurfti að ganga í gegnum erfiðari tíma á Old Trafford.
Mourinho fékk að kaupa ófáa leikmenn til United en hann var látinn fara frá félaginu í desember.
,,Á hans fyrsta tímabili þá varð Guardiola ekki meistari og það var mjög erfitt, fólk bjóst við að Manchester City myndi vinna,“ sagði Mourinho.
,,Þeir höfðu nú þegar verið að vinna, þeir voru meistarar undir bæði Roberto Mancini og Manuel Pellegrini.“
,,Sumir af þessum leikmönnum urðu meistarar tvisvar, Sergio Aguero, Vincent Kompany og fjölmargir aðrir.“
,,Á hans seinna tímabili þá tók Pep frábærar ákvarðanir en ákvarðanir sem fengu stuðning.“
,,Hann vildi ekki nota Bacary Sagna og Pablo Zabaleta, tveir hægri bakverðir sem hann vildi ekki. Hann vildi ekki Aleksandar Kolarov, hann vildi ekki Gael Clichy. Hann seldi fjóra bakverði og keypti fjóra.“
,,Hann fékk stuðning. Svo geturðu nefnt Liverpool, hvað voru margir af þessum leikmönnum hjá liðinu áður en Jurgen Klopp kom?“
