Það vekur athygli að miðjumaðurinn Fabinho er en ekki kominn með treyjunúmer hjá sínu nýja félagi, Liverpool.

Fabinho gekk í raðir Liverpool frá Monaco í sumar en hann hefur klæðst treyju númer þrjú á undirbúningstímabilinu.

Samkvæmt Liverpool Echo er það þó ekki númer sem Fabinho vill nota á leiktíðinni en hann klæddist treyju númer tvö hjá Monaco.

Echo greinir frá því að Fabinho gæti verið að bíða eftir númeri 22 en Simon Mignolet notar það. Hann er sterklega orðaður við Besiktas í Tyrklandi þessa dagana.

Ekki kemur til greina að Fabinho fái treyju númer tvö en bakvörðurinn Nathaniel Clyne notar það númer.

Það verður því fróðlegt að sjá hvaða númer Fabinho mun á endanum nota en vanalega fá leikmenn númer um leið og þeir semja við nýtt félag.