Manchester United hefur rift samningi sínum við Zlatan Ibrahimovic en þetta var tilkynnt núna rétt í þessu.
Zlatan er að ganga til liðs við LA Galaxy sem spilar í bandarísku MLS-deildinni.
Hann var magnaður á sínu fyrsta tímabili með félaginu en hann hefur lítið sem ekkert spilað með liðinu á þessari leiktíð vegna meiðsla.
„Allir góðir hlutir taka enda, líka frábærir hlutir,“ sagði Zlatan á Instagram.
„Ég hef ákveðið að snúa mér að öðrum hlutum eftir tvö frábær tímabil með United. Ég vil þakka félaginu, stuðningsmönnunum, liðsfélögum mínum, þjálfaraum og starfsliðinu.“
„Takk allir sem tóku þátt í þessum frábæra kafla í lífi mínu,“ sagði hann að lokum.
