Þorri Geir Rúnarsson hefur skrifað undir nýjan samning við Stjörnuna sem gildir út keppnistímabilið 2020.
Þorri er Stjörnumönnum góðkunnur enda hlaupið hér um í blárri treyju frá 6 ára aldri og orðið íslandsmeistari, bikarmeistari og meistari meistaranna með félaginu.
Sögur höfðu verið á kreiki um að Þorri gæti yfirgefið Stjörnuna til að spila meira.
Hann hefur verið í minna hlutverki hjá Stjörnunni síðustu tímabil eftir að hafa verið stjarna í liðinu þegar það varð Íslandsmeistari árið 2014. Ástæða þess eru þó fyrst og síðast meiðsli sem hrjáð hafa þennan öfluga miðjumann síðustu tvö ár.
Hann hefur þurft að fara í aðgerðir og síðan hafa minni meiðsli komið við sögu í endurhæfingu hans.
