Isco, leikmaður Real Madrid, tjáði sig aðeins um fyrrum leikmann liðsins, Cristiano Ronaldo í dag.
Ronaldo yfirgaf Real í sumar og samdi við Juventus en félagið virðist sakna hans mikið enda gengið á tímabilinu mjög slæmt.
Ronaldo var aðalmaðurinn hjá Real í heil níu ár og vann liðið ófáa titla með hann fremstan í flokki.
Gengið hefur verið annað án hans en Real hefur ekki unnið í síðustu fimm leikjum sínum í öllum keppnum.
Isco nennti ekki að ræða Ronaldo mikið í dag en segir að það sé óþarfi að grenja yfir þessari stöðu.
,,Við getum ekki farið að grenja vegna leikmanns sem vildi ekki vera hérna,“ sagði Isco við blaðamenn.
