Chelsea er komið áfram í næstu umferð enska deildarbikarsins eftir sigur á Liverpool á Anfield í gær.

Það var boðið upp á virkilega skemmtilegan leik á Anfield en bæði lið sóttu til sigurs frá byrjun.

Fyrsta mark leiksins skoraði Daniel Sturridge fyrir Liverpool en hann skoraði með fallegri bakfallspyrnu gegn sínum gömlu félögum.

Bakvörðurinn Emerson sá svo um að jafna metin fyrir Chelsea eftir aukaspyrnu en boltinn hrökk til varnarmannsins.

Það var svo varamaðurinn Eden Hazard sem sá um að tryggja Chelsea sigur en hann fór illa með vörn Liverpool og þrumaði knettinum í netið. Virkilega fallegt mark.

Maurizio Sarri þjálfari Chelsea var svo ekki lengi að kveikja sér í sígraettu beint eftir leik.

Sarri reykir mikið og ákvað að verðlauna sig eftir leik með því sem hann elskar.