Lionel Messi, leikmaður Barcelona, viðurkennir það að Real Madrid sé verra lið eftir brottför Cristiano Ronaldo.

Ronaldo yfirgaf Real í sumar og samdi við Juventus en hann var frábær í níu ár fyrir spænska stórliðið.

Messi segir að koma Ronaldo styrki Juventus mikið og að liðið sé nú sigurstranglegt í Meistaradeildinni.

,,Real Madrid er eitt besta lið heims og þeir eru með frábæran hóp en það er augljóst að þeir eru ekki eins góðir án Ronaldo og það gerir Juventus eitt sigurstranglegasta lið Meistaradeildarinnar,” sagði Messi.

,,Þetta kom mér á óvart, þegar hann fór. Ég sá hann ekki fyrir mér yfirgefa Madrid eða að fara til Juventus. Það eru mörg lið sem vildu fá hann en hann samdi við mjög gott lið.”