Jose Mourinho, stjóri Manchester United, segir að sínir menn séu að gera of mörg mistök á vellinum eftir tap gegn Brighton, 3-2.

United mættir Tottenham á mánudaginn í stórleik og heimtar Mourinho meira í þeim leik.

,,Ef við horfum á leikina við Leicester og Brighton. Gegn Leicester gerðum við ekki mistök, við spiluðum vel og unnum,“ sagði Mourinho.

,,Gegn Brighton þá gerðum við mistök og það kostaði okkur á endanum og við töpuðum leiknum.“

,,Venjulega í fótbolta þá færðu það sem þú átt skilið. Ef við ætlum að vinna gegn Tottenham megum við ekki gera mistök.“